കാഴ്ചപ്പാടും ദൌത്യവും
എടവനക്കാട് ഗ്രാമപഞ്ചായത്ത് കാഴ്ചപ്പാടും ദൌത്യവും
ജനാധിപത്യ മൂല്യങ്ങളിലൂന്നിയ ജനപങ്കാളിത്ത ഉറപ്പാക്കലിലൂടെയും സുതാര്യമായ ഭരണനിർവ്വഹണത്തിലൂടെയും എടവനക്കാടിനെ ഒരു സ്വയംപര്യാപ്ത തദ്ദേശസ്ഥാപനമായി വളർത്തുക; ഒപ്പം സമ്പൂർണ്ണ ശുചിത്വ പരിപാലനത്തിലൂടെയും കണ്ടൽക്കാടുകളുടെ സംരക്ഷണത്തിലൂടെയും 'ബ്ലൂ കാർബൺ' വിപണിയും, ടൂറിസവും, കായികക്കരുത്തും സമന്വയിപ്പിച്ച് നവകേരളത്തിന് മാതൃകയാകുന്ന ഒരു സ്മാർട്ട്-കാർബൺ ന്യൂട്രൽ കായിക ഗ്രാമമായി എടവനക്കാടിനെ പരിവർത്തിപ്പിക്കുക
സുസ്ഥിര വികസനവും സമ്പൂർണ്ണ ശുചിത്വവും: ശാസ്ത്രീയമായ മാലിന്യ സംസ്കരണത്തിലൂടെയും ജനകീയ കാമ്പെയ്നുകളിലൂടെയും പഞ്ചായത്തിനെ സമ്പൂർണ്ണ ശുചിത്വ സുന്ദര ഗ്രാമമാക്കുക; ഒപ്പം 'ബ്ലൂ കാർബൺ' പദ്ധതി വഴി കണ്ടൽക്കാടുകൾ വെച്ചുപിടിപ്പിച്ചും പ്രകൃതിവിഭവങ്ങൾ സംരക്ഷിച്ചും പരിസ്ഥിതി സന്തുലനം നിലനിർത്തുക.
ജനപങ്കാളിത്തവും സുതാര്യതയും: വികസന ആസൂത്രണത്തിലും തീരുമാനങ്ങളിലും മാലിന്യമുക്ത പ്രവർത്തനങ്ങളിലും ജനങ്ങളുടെ സജീവവും തടസ്സമില്ലാത്തതുമായ പങ്കാളിത്തം ഉറപ്പാക്കുക.
കായികവും ജീവനമാർഗ്ഗവും: ആധുനിക കായിക അടിസ്ഥാന സൗകര്യങ്ങളിലൂടെ യുവതലമുറയെ വളർത്തുകയും, കായൽ ടൂറിസം വഴി തദ്ദേശീയമായ തൊഴിലവസരങ്ങൾ സൃഷ്ടിക്കുകയും ചെയ്യുക.
സ്മാർട്ട് ഗവേണൻസ്: വിവര-വിനിമയ സാങ്കേതികവിദ്യയുടെ (ICT) പരമാവധി ഉപയോഗത്തിലൂടെ സുതാര്യവും ഗുണമേന്മയുള്ളതുമായ സേവനങ്ങളും ഫയൽ മോണിറ്ററിംഗും ജനങ്ങളുടെ വിരൽത്തുമ്പിൽ എത്തിക്കുക
ലക്ഷ്യങ്ങൾ (Goals)
സമ്പൂർണ്ണ ശുചിത്വവും ഹരിതഭംഗിയും: ശാസ്ത്രീയവും സമഗ്രവുമായ മാലിന്യ സംസ്കരണം ഉറപ്പാക്കി എടവനക്കാടിനെ ഒരു മാതൃകാ ശുചിത്വ സുന്ദര ഗ്രാമമായി നിലനിർത്തുക.
ബ്ലൂ കാർബൺ - പരിസ്ഥിതി സംരക്ഷണം: കണ്ടൽക്കാടുകളുടെ വിസ്തൃതി വർദ്ധിപ്പിച്ച് 'ബ്ലൂ കാർബൺ' പദ്ധതി നടപ്പിലാക്കുകയും, ഹരിത പദ്ധതികളിലൂടെയും ജലസംരക്ഷണ പ്രവർത്തനങ്ങളിലൂടെയും കാർബൺ ന്യൂട്രൽ പദവി കൈവരിക്കുക.
ലോകോത്തര കായിക അടിസ്ഥാനസൗകര്യം: അത്യാധുനിക സൗകര്യങ്ങളുള്ള സ്പോർട്സ് ഹബ്ബും കായൽ കേന്ദ്രീകരിച്ചുള്ള വാട്ടർ സ്പോർട്സ് അക്കാദമിയും സ്ഥാപിച്ച് വൈപ്പിന്റെ 'കായിക കവാടമായി' മാറുക.
സുസ്ഥിര ടൂറിസം: കണ്ടൽക്കാടുകളുടെയും കായലിന്റെയും സാധ്യതകൾ പ്രയോജനപ്പെടുത്തി പരിസ്ഥിതി സൗഹൃദ 'ഇക്കോ-സ്പോർട്സ് ടൂറിസം' വികസിപ്പിക്കുകയും പ്രാദേശിക സാമ്പത്തിക വളർച്ച ഉറപ്പാക്കുകയും ചെയ്യുക.
സജീവ ജനപങ്കാളിത്തം: പഞ്ചായത്തിന്റെ എല്ലാ വികസന ആസൂത്രണങ്ങളിലും തീരുമാനങ്ങളിലും ജനാധിപത്യ മൂല്യങ്ങളിലൂന്നിയ ജനകീയ കൂട്ടായ്മയും പങ്കാളിത്തവും ഉറപ്പാക്കുക.
സ്മാർട്ട് ഗവേണൻസും സേവനങ്ങളും: വിവര-വിനിമയ സാങ്കേതികവിദ്യയുടെ (ICT) പരമാവധി ഉപയോഗത്തിലൂടെ ഡിജിറ്റൽ സേവനങ്ങളും ഇ-ഗവേണൻസും ഫയൽ മോണിറ്ററിംഗും ശക്തമാക്കി സുതാര്യത ഉറപ്പാക്കുക.
അടിസ്ഥാന സൗകര്യ വികസനം: എല്ലാ കുടുംബങ്ങൾക്കും സുരക്ഷിത കുടിവെള്ളവും പാർപ്പിടവും ലഭ്യമാക്കുക; ഗ്രാമീണ റോഡുകൾ, തെരുവിളക്കുകൾ (Lighting), ഡ്രെയിനേജ് സംവിധാനങ്ങൾ എന്നിവ ആധുനിക രീതിയിൽ നവീകരിക്കുക.
ആരോഗ്യ-സാമൂഹിക സുരക്ഷിതത്വം: എല്ലാ ജനവിഭാഗങ്ങൾക്കും തുല്യനീതി ഉറപ്പാക്കിക്കൊണ്ട് ആരോഗ്യപരമായും സാമൂഹികമായും സുരക്ഷിതമായ ഒരു ഗ്രാമാന്തരീക്ഷം സൃഷ്ടിക്കുക.
ഉപജീവനവും പ്രാദേശിക സമ്പദ്വ്യവസ്ഥയും: പരമ്പരാഗത മത്സ്യബന്ധന മേഖല, കൃഷി (പൊക്കാളി ഉൾപ്പെടെ), ചെറുകിട സംരംഭങ്ങൾ എന്നിവയ്ക്ക് ആധുനിക സാങ്കേതികവിദ്യയുടെ സഹായത്തോടെ വലിയ പ്രോത്സാഹനം നൽകുക.
വനിതാ-യുവജന ശാക്തീകരണം: സ്ത്രീകൾക്കും യുവാക്കൾക്കും പുത്തൻ തൊഴിൽ മേഖലകളിലും ടൂറിസം-കായിക രംഗങ്ങളിലും സ്വയംതൊഴിൽ അവസരങ്ങൾ വികസിപ്പിക്കുക.
ഉൾക്കൊള്ളുന്ന വികസനം: സമൂഹത്തിലെ പാർശ്വവൽക്കരിക്കപ്പെട്ടവർ ഉൾപ്പെടെ എല്ലാവരെയും ചേർത്തണയ്ക്കുന്ന, സമത്വാധിഷ്ഠിതമായ സുസ്ഥിര വികസനം കൈവരിക്കുക.
